Assam tsür kati Delhi University Record raksatsü

Delhi, July 06 (Agencies): Assam, Jorhat district nungi Shusmita Neog-i Delhi University küm 50 otsü ka raksatsüogo.
Tawa MA tatidang osang sangdongba nung Delhi School of Economics nungi Shusmita-i marks 91.8 percent anguba ajanga Dr Rakha Tullah Khan indang küm 50 otsü raksatsüogo.
Sushmita-i Delhi University kübok Miranda House nungi BA tatidang nung 83.6% percent angu aser post graduation atema Delhi School of Economics nung join asü.
La Carmel School, Jorhat nung azüngba sülen Assam Rifles Nodal School, Jorhat nungi class 12 nung takok ngua liasü.
Graduation mapang nungi Shusmita ya Delhi University nung topper liasü. Tawa la  Thailand, Spain, Hongkong, Canada, London aser NASA nung seminar balala nung adentsü jaoka liasü.
Shusmita ya Jorhat kübok Koma yim nungi lokti tenzüker, Horesh Neog aser Kalyani High School headmistress, Manju Neog na jala alir.
Post graduate sülen lai Union Public Service Commission (UPSC) tatidang agütsütsü nükjidong lir.
Tang la ya Miranda House, New Delhi nung assistant Professor teinyakdak lir.