Assam tzümetsüng atema Centre-i Rs 1201.36 crore agütsü

Hokolbarnü Assam nung Water Resources Minister Kashab Mahanta-i Morigaon district kübok Tengaguri yimtsüng semdangdang agiba noksa angur. 

New Delhi/Guwahati, July 12 (Agencies): Centre-i Assam sorkar nem Flood Management Programme (FMP) kübok Rs 1201.36 crore agütsüogo.
Iba osang ya Haryana nungi MP aser Minister of state for Jal Shakti, Rattan Lal Kataria-i Parliament nung metetdaktsü. Assam nungi Dhubri MP Badruddin Ajmal-i asüngdangba langzüdang pai iba osang ashi.
Centre sorkari flood management programme (FMP) ajanga Assam state sorkar den tzümetsüng dak sendakba nung yariteptsü atema XI Plan tenzük, ta Kataria-i ashi.
XI Plan nung Rs 996.14 crore alang mapatong 100 agizük aser XII Plan nung Rs 1,386.97 crore alang mapatong 41 agizük, ta paisa ashi.
Ali anenzüka aoba noktangtsü atema central funds State Water Resources department-North Eastern Council, Non-Lapsable Central Pool of Resources, National Bank for Agriculture and Rural Development (NABARD) ajanga yokogo, ta Jal Shakti minister-isa metetdaktsü.
Assam kübok district 17 nung nisung lakh pezü dak tema tzümetsüng agi timtemer aser tanü-a ayong aika nung tzü talila ayimer.
Tzümetsüng ajanga railway ketdangsertemi Lumding-Badarpur hill section nung train senzüba noktanga lir.
Golaghat, Dhemaji aser Kamrup Metropolitan district nung tzünglu aser tzümetsüng lendong balala nung nisung asem asü ta yashi Assam State Disaster Management Authority (ASDMA)-i metetdakja liasü.
Assam nung tzümetsüng timtem tamajungtiba ajrubaji Barpeta district lir aser iba nung nisung 85,262 tashi tim atemer. Iba sülen Dhemaji district nung nisung 80,219 timtemdar, ta ASDMA ketdangsertemi ashi.