Assam tzümetsüng nung nisung 80,000 tashi timtemer

Guwahati, July 4 (Agencies) : Assam kübok district pezü nung tzümetsüng timtem ajanga nisung 80,000 den tema timtemer.
Lakhimpur, Dhemaji, Nagaon aser Jorhat district tem nung nisung 80,500 den tema tzümtsüng agi kongshia lir, ta Assam State Disaster Management Authority (ASDMA) osang ka ajanga metetdaktsü.
District pezü nung hectare 4,100 nung tsünüsenbongtsü raksatsüogo, ta parnokisa shisem.
Nematighat o Tezpur nung Brahmaputra aser Numaligarh o Jia Bharali nung Dhansiri ayongtem nung tzü mesema ayimer aser Jorhat nungbo tzümetsüng ajanga apu trok tashi ponger ogo, ta ASDMA-isa metetdaktsü.
Kamrup Metropolitan district administration-ia Guwahati kübok Brahmaputra nung tzü talila ayimba ajanga ferry services anentsüogo.