Assam yimdaklirtemi shiti atema ‘Jumbo Kheti’ lapoktsür

Guwahati, August 14 (Agencies): Assam nung tang mezüng atema Ronghang-Hatikhuli tesem nung alirtemi shiti asoshi ali tenlaogo.
Ronghang-Hatikhuli ya Assam kübok Nagaon district nung lir aser iba mapa ya Binod ‘Dulu’ Borah-i ketdangsüa inyaker.
Dulu Borah ya arem shiruru kümzüker ka ta züngshir aser nisung-shiruru mangatettep anendaktsütsü aser ano shitii tsünüsenbongtsü raksatsüba anendaktsütsü atema iba mapa tenzüker.
Yimtsüng nung alirtem teimba ka aluyimertem dan lir aser parnoki alu ayimba ajanga chiyunga-jema alir saka parnoki ‘Jumbo Kheti’ lapoktsü atema ali bigha 203 (33 hectares shi) tenlaogo.
Ronghang-Hatikhuli tesem nung yimtsüng 12 lir aser parnoki ali tenlaba den yimtsüngtem melentepa shititem atema tzüklu yimtsü.
Ronghang-Hatikhuli tesem nung Karbi aser Adivasi kintem alir.
‘Jumbo Kheti’ ya shititem atema lir kechiyong anameta aliba Karbi Anglong district nungi shititem iba tesemi chiyungtsü bushia arur.
Dulu-i NGO Hatibondhu den yaritepa ‘Jumbo Kheti’ mapa tenzüker, kechiyong shiti 350-400 shi kati nisungtem alidaki chiyungtsü bushia arudang timtem balala ajurur.
‘Jumbo Kheti’ nung yimdaklirtemi hectare 8 nung Napier grass atem. Parnokisa Outenga (elephant apple) 2,000, polong dong 1,500 aser somomo dong 25,000 aser Kumbhi temogo.
Dulu-isa ‘Elephant Map Project’ tenzükogo aser iba ya shitii chiyungtsü bushia senzüba terü metettsü atema lir.
‘Jumbo Kheti’ ya Pradip Kumar Bhuyan-i purapitetba lir. Pa ya NGO, Hatibondhu nung director lir.
Pai Guwahati nungi Napier grass bener yok kechiyong iba grass ya mashibo mangur, ta Dulu-i ashi.
“Süngjang dong aintsü mapang agitsü saka shititemi Napier grass chiyima atatsü akok kechiyong iba ya kanga karaa ainer” ta Bora-i ashi.
Küm pezü tejakdang shikari toktsüba nisung 35-i Napier grass anepalur, ta paisa ashi.
Yimtsüng nung tanishir Jiten Kro-i ashiba agi küm aika parnok shiti ajanga timtema arur.
Iba mapa ajanga shirurutem den tiptema alitsü imlar. Iba mapatong ajanga onoki shiti asoshi ali agütsüba atema pelar, ta Kro-isa shisem.