Assam:NDFB (S) telungpur ana khaset

Guwahati, March 30 (Agencies) : Brihostiba anepdang Assam kübok Chirang district nung Security force temi NDFB (S) telungpur rongnung kanga dang tongtibang züngsem ana khasetogo, ta ketdangsertemi metetdaktsü.
Osangbenertemi ashiba agi, intelligence ajanga telungpur telok aliba osang tejangja metetdaktsüba sülen Army aser Assam police na lokteper BTAD district kübok Simaluguri tesem nung mita ao.
Sepaitem iba tesem atongdang telungpurtemi mezüng injang akhatsü tenzüka parnok tsüngda kanga sashia khatep meso aser iba mapang telungpur rongnungi nisung ana khaset.
Army ketdangser kati ashiba agi, iba khatepba mapang telungpur asem tashi jeno ao.
Tang khaseta aliba telungpur anaji ka Lanhar (Lukas) aser ka David Ishlari lir ta jangjaogo.
Security temi iba tesem nungi Insas rifle ka, 7.65 mm pistol ka, hand grenade ka aser injang aika nguteta lir.
Iba tesem ya secutrity temi longbanga lir aser tanüngba telungpurtem aputsü asoshi kanga sashia mita odar.