Asst. Branch Manager ka pua lir

Dimapur, May 27 (TYO) : May 26, 2016 nü Vijaya Bank, Kohima Main Branch Chief Manager-i North Police Station nung tangar indang term deposit account ka nungi sen tim mesüi agizükba atema FIR ka benoka lir, ta Sub-Divisional Police Officer (South) & PRO Kohima, Nagaland, NPS Atu Zumvü-i sangdong ka ajanga metetdaktsü.
Sen crore 1.5 aliba fixed deposit ka tenüng nung telok kati bank dang sen lakh 80 apu. Ajisüaka sen apuba momadang/account meshibangdang, January 2, 2015 nü iba fixed deposit account nung aliba sen ajak agizüker liasü.
Iba sülen bank ketdangsertemi koda sür ta bushidangba mapang parnoki iba senji bank ketdangser/staff kati tangar ka meyong fixed deposit account ka tenüng nung kiburi memetet agizükba putet.
Anungji ibaji bushisüngdangtsü atema Kohima North P.S. nung ken o ka benok.
Bushisüngdangba mapang Haralu Colony, Burma Camp nung alir asür Namjaigai Joy Rongmei’er jabaso, arishi küm 30 tain, Gainilungpu Solomon L, tang Assistant Branch Manager teinyakdak pua lir, ta kasa sangdong ajanga ashi.