ASTD 12 buba Excellency Award (2015-16) sentong agi

Dimapur, November 26: Ao Kaketshir Telongem Dimapur 43 buba lokti senden cum 12 buba Excellency Award (2015-16) sentong Sakus Mission College, Landmark colony nung Honibarnü agi.
Iba sentong ya “Sobaliba aser terenlok” omen nung ajemdaker agi.
Kaketshir ayongzüka jembidang, tongti tesemdanger, Secretary DUDA, Senti Ao-i (IAS) ashiba agi, asen Aor sobaliba otsü koba tebang agi dang jembia aru, ibaji kanga dang tashi tulu lir saka tanü western culture nung temolung agutsüba agi asen sobaliba senzüka doktsür.
“Aseni putu sa putu benshia aruba sobaliba lir, ibai meindoki benshia dang aru asübo, tanü asen temetetba shisatsü nung tali tejakleni orr lila. Ajisuaka ano temonu masüji, nenok lanurtemi iba ya ken bener arua amshitsüla,” ta Senti Ao-isa ashi.
Asenok renloka aotsü asoshi pei koba lokti, koba sobaliba nungi aru ibaji kanga tongtibang. Asen Ao kin indang sobaliba takang lir aser asenok ya meranga inyakba, ochi, tangazüknu, tarutsü asoshi bilemba aser yimli akaba kin ka lir. Anungji, tanü lanurtem dak item jakla aser shisatsüji alitsula, ta paisa shisem.
Asenok dak inyaktettsü sempet liaka, tuluba aser tajungtiba küma inyaka aotsü memeranger. Iba jagi asenok tejakleni maor. Asenok tuluba aser temaba jenjang nung inyaktetra pei peri dang masü saka nai inyakba nung employment generate asütsü aser Nagaland rongsenkettsüng nung yaritsu, ta Senti Ao-isa ashi.

ASTD 12 buba Excellency Award (2015-16) angurtem-
name F/name Village Position
Lanunuchetla Longchar Longkumtoshi Longchar Nokpu Top 10th HSSLC 2015
Tongpangtangla Senlemmeren Changtongya Top 10th HSLC 2016
Naroenla T. Sashi Ao Süngratsü Top 8th HSSLC 2016
Limayangla Longkumer Merennungsang Changtongya Top 10th HSSLC 2016
CeRtificate angurtemi
Imtijungla Sashi Walling Süngratsü Top 11th HSLC 2015
Lanumongba Imchen T Ariba Imchen Longkhum Top 11th HSLC 2015
Akumsenla Jamir Imtilepzuk Chuchuyimpang Top 17th HSLC 2015
Meyisunep Lipokkaba Chuchuyimlang Top 20th HSLC 2015
Mongyanger Atu Longkumer Waromung Top 20th HSLC 2015
Pangerremla Bendangmeren Changdang Top 15th HSLC 2016
Arenjungla Pongen Tinu Pongen Chuchuyimlang Top 16th HSLC 2016