ASTD-i COVID-19 atema tebilemtsü abener

Dimapur, March 28 (TYO): Nagaland state sorkar aser Medical Department-i COVID-19 wara anema mapa inyakba nung temulung masür, ta Ao Senso Telongjem Dimapur (ASTD)-i metetdaktsüogo.
“Nagaland nung scientific Testing Lab maliba aser ventilators, tools & kits aser doctor aser nurse tema atema protective gears peria maliba atema shisabulur. State sorkari tekümdangtsü osangtem sangoktsüba den ano Minister aser Advisor temi Covid -19 anema mapa inyakba ketdangsüa reprangtsü lemzüktsüogo, saka asenok ket nung medical equipment, tools & kits aser tanga scientific Testing Lab technology tem alitsüla,” ta ASTD Tir L. Wati Jamir aser Tongti Tezülur K. Mar Lemtur nati sangdong ka nung ashi.
Iba ama mapang ka nung Health & Family Welfare Minister-i COVID-19 anema mapa inyakba ajunga ketdangsüa reprangtsü tim, ta ASTD-isa ashi.
Ano, state ajunga shibangdang sorkari sensakertem aser talisa anogoshia aayanga chiyunga-jema alirtem asoshi bilemtsütsüla. Iba atema sorkari parnok nem tongtipang tenüngdaktsütem aser medical aids agütsütsüla, ta ASTD-isa metetdaktsü.