ASTD-i Moatsü atema renemer

Dimapur, April 19 (TYO): Ao kin benjungmong, Moatsü atema renemshiba mapang ka nung Ao Senso Telongjem Diphupar (ASTD)-ia May 2, 2017 nü Local Ground, Diphupar Village nung iba benjungmung amungtsü atema renemdar.
ASTD Tir, Latong Pongen-i, “Lanurtem nem iba benjungmung teratet rajemdaktsütsü nükjidong nung Moatsü benjung yongyaa atar aser ajak adentsü jaoker,” ta metetdaktsü.
Iba benjungmung ya “Envisioning today’s cultural values for tomorrow” omen nung ajemdaker ayonga amungtsü aser Planning Committee Convenor, A Akum Longkumer-i, lanurtemi pei kin sobaliba indang junga rajema akumtsü imlar, ta ashi.
Iba dak alia tesendaktep aser amalitep tajungba akumtsü nükjidong nung iba benjung nungsa Ao kin tzükong balala aser Diphupar Village nung tentet balalai sobaliba ‘arr atsütep” nung shilem agitsü.