ASTD-i tongti tesemdanger jaokba yimya agientsü bangzünga renem

Dimapur, January 30 (TYO) :  Ao Senso Telongjem Dimapur (ASTD)-i alenbanga aliba telongtet nung sentong ayongzüka agidang yimsüsür, minister/MLA nungertem tongti tesemdanger ama mejaoktsü atema ASTD-i bangzünga renemogo.
Honibarnü ASTD Kimen nung lokti senden ka nung iba telemtetbaji agi aser ibaji tanü nungi mapa küma tenzüker.
ASTD kübok züngsema aliba telok ajaki iba telemtetba sülen anidaktsü tetuyuba agütsür aser aibelenertem ozüng tapet agi merenshitsü, ta ASTD tir, Sobu Jamir-i metetdaktsü.
Naga nunger lokti nung mapa inyakba sobaliba adokdaktsütsü atema iba telemtetba agir. Iba denji Naga nunger lokti nung tongti tesemdanger jaokba yimya ya ‘fashion’ ka ama akümba agi iba yimya tamajung mebenshidaktsütsü atema iba telemtetba agir, ta ASTD Tir-isa metetdaktsü.
Tanü senden nungsa ASTD nungi temelaba magii telok shingaia calendar, lottery ticket mesüra  tenla mesarudaktsütsü telemtetba agia aliba lemtetshi.

You must be logged in to post a comment Login