Astrum-i Smart Band SB200 sangdongogo

Luchii/December 15 (Agencies): Astrum-i SB200 ta nüngja agütsüba ‘Smart Band tasen ka sayaa parnok brand indang portfolio sangdongogo. Iba smart band nung tontibang function tem den külemi ‘heart rate monitor’ aser ‘sedentary reminder’ inoka yanglutsüogo.
Smart band yagi anogoshia asen temang dak sendakba shilem aser inyakyimtem asadanger. Device nung keta aliba Heart Rate sensor yagi ‘Automatic’ aser ‘Manual’ mode naprong support asütsü. Iba den bendenloksema, smart band yagi temang nung calorie arongba, mejangba yimya aser jajaba tem asadangtsür kong jajazüa senzüba nung Step Pedometer ajanga nungiter.
Device nung sedentary reminder jagi anogoshia temang anepalutsü aser teinyaktsü tem mapang shitak nung metetdaktsür.
Band nung 80mAh battery keta lir aser battery arishiji anogo asem tashi alitsü. Iba fitness tracker yagi notification talisa messages, emails, WhatsApp aser calls tem phone ajanga metetdaktsütsü. SOS maparen atema device nung Anti Lost Alert aser Find Phone feature keta aliba angutsü.
Tamshirtemi iba smart band yimya balaka nung benshitsü atema Google Play Store aser Apple App Store ajanga WearFit 2.0 app download sütettsü. SB200 jenjang ya sen 3,499 asütsü aser device ya India ajunga nung retail aser online store tongtibangtem ajanga angutsü.