ASU-i National Press Day salem abener

Dimapur, November 16 (TYO) : November 16 nü National Press Day amungba tenüng nung Angami Students’ Union (ASU)-i Nagaland nung Press Clubs aser Association ajak dangi salem abener, ta ASU General Secretary, Visako Rino-i sangdong ka nung metetdaktsü.
Kanga dang tebenja lima ka nung press fraternity-i telemsa mesüra ashishitep kecha melii pei akokba mapa inyaka aruba atema ASU-i tenüngsang agütsür aser maneni iba tangatetba tajung nung ochi aser temeten atema inyaktsü imlar, ta ASU General Secretary-isa sangdong nung shia lir.