Asüko mapang teyari asoshi Tir-i pelaba sangdonger

Tanü New Delhi nung BJP lenir tain LK Advani, Tir Pranab Mukherjee, tatong Tir Mohd. Hamid Ansari, Bangladesh Ato kilonser, Sheikh Hasina, India Ato kilonser, Narendra Modi aser tongtibang nisungtemi Tir Pranab Mukherjee kinüngtsü, Suvra Mukherjee nem tatemsabuba akhüm agütsüba noksa nung angur. (New Delhi, August 19, 2015).

 New Delhi, August 19 (Agencies): Tir Pranab Mukherjee kinüngtsü, Suvra Mukherjee sür par kibong asüko mapang nüburtemi par melung süngzükja yariba atema Bodhbar nü Tir-i pelaba osang sangdongogo.

“Asüko aser mangyimba mapang Tir kibong melung süneptsüba aser yaritepba ajanga pa nem tashi tasen agütsüogo, aser iba asohsi Tir-i pelaba sangdonger,” ta tanü New Delhi nung official sangdong ka ajanga metetdaktsü.

Tir kinüngtsü mapang tatsüka shiranga aruba aser la tangu sashiba dak sentakba timtem adoka Hokolbar aonung hospital-i anir oa liasü aser Mongolbar anepdang 10:51 ako nung alima nungi pilaogo.