Asükümba samatsüba

“Ajangla asükümba jenjang kong ali? Ibaji jentokogo. Kobala ozüng ajanga? Mapa inyakba ajanga asü? Masü, saka tamang ajanga”. Rom 3:27

Nisunger taküm libaliro yimya nung kar asoshibo ni ta asüba shisatsü agi sünger lir tatishitsü agi: ni jembitet, ni inyaktet, ni otet, ni koktet ta asüba amala. Iba ama shisatsü adener nisungji reprangra pa/la dak mezümeküm shisatsü alinung tangar indang züngoka jembiba mesüra inyakba aiben mangutsü, lia liabo pa/la taküm yimya aser mapatem jagi lakteter külen aikati pa senzüka toktsütsü.

Mezümeküm aser asüküm yimya ya ozüng balala yanglua azüoktsü makok mesüra mapa tapu balala apiteta inyakba ajangaka azüoktettsü tamakoktsü. Iba ya mojing asüküm aser mezümeküm agi sünga lir; abenjagi pa kotak temeshi menden nungi alimai arizüka yok. Asüküm aser mezümeküma aliba takümji tanga kecha agia masü, saka tamang ajanga dang samatsütsü akok. Ne dak asüküm aser mezümeküm shisatsü lir asü? Ibaji koktettsüsa Tsüngremer nütsüng ka ama raraba sübotsü sobur nokdakang.

Sarasadem : Kü dak asüküm aser mezümeküm shisatsü samadakjang ta Kibuba Yisu tenüng nung sarasademer. Amen