Asükwa anema alitsü:

Tan asükwa mongpu nung nü temang tashi itta alitsü aser yimra nungi jenbua alitsü atema teinyaktsü temela kar:
# Vitamin C peria aliba chiyungtsütem achiba ajanga nü immune system tashi itta alitsü, anungji bazaar nung shishilembaba mapang lemon, kiwi, capsicum, broccoli aser spinach ama süngjanglijang aser aonsotsü alitsü junger. Iba dak alia shi tera, ango, an, nuts aser spices achitsü junger.
# Anogoshia exercise agitsüla. Study ka ajanga exercise mapang shia agiba ajanga mapang talangka nü temang immune system junga alitsü. Hopta nung aiben jajaba ajanga na shirangba anogo shilem 40 agi tajemba akümtsü.
# Lokti den sentaktepa aliba ajanga nü immune system tashi aittsü aser na anibelem ajema akümtsü.
# Teti teka shitoka aliba ajanga yimra atongba, aketba ama shirang nungi jenbua alitsü. # Mapang shia nü teka sapon aser tzü agi second 20 shi metena ayuba sülen shitoktsüla.
# Peria mejangtsüla, junga memejangba ajanga nü immune system nung kongshitsü, aser ibaji ajanga yimra melamela atongtsü. Brazil nung study ka ajanga, peria memejangba ajanga asen temang nung tashitak den raraba, white blood cells ajema kümdaktsür, ta bushitetogo
# Mamatzü kanga ajemba ajanga nü immune system tashi itta alitsü. Mamatzü den cheese aser yoghurt ama mamatzü agi yangluba chiyungtsü nung protein aser vitamins A den B12 lir. Iba den külemi item chiyungtsü nung calcium aliba ajanga nü teret tashi itta alitsü.
(Source – Internet)