Asükwa mapang wara nungi jenbua alitsü lenmang kar

Joko November ita tamar aser kanga mokonga küma asükwa mongpu aruogo; asükwa ya nisung aikati meimer saka kar atemabo iba mongpu ya majung, kechiyong aika yimra-wara balala agi kongshir.
Asükwa mapang yimra, temang metaba, asthma, temang angohba aser sinus timtem densema timtem balala agi kongshir. Itemji anepalua tajungba akümtsü lenmang aika lir, saka item timtem nungi jenbua alitsü atema kümdanga alibajisa tajungba.
Asükwa mongpu nung temang anema alitsü lenmang kar:
1. Vitamins achitsüla: Tasen aketba süngjanglijang aser lasüng ama vitamin C aser zinc aliba chiyungtsütem achitsüla, koba ajanga tashitak wara balala nokdangtettsüsa nü immune system tashi itdaktsütsü.
2. Asentzü sendoktsüla: Asükwa mongpu nung asenoki chiyungtem taliba achir, anungji asen temang touzük shitak ayuba den külemi metabolism aser azü jajaba shitak alitsü atema asentzü sendoktsüla.
3. Süngjanglijang aser süngolemba achitsüla: Asenoki süngjanglijang aser süngolemba akokba tashi achitsüla, kechiyong item chiyungtsü ajanga asenoki nüngdakba nutrients ajak agütsütsü aser asen immune system tashi itta alitsü.
4. Sanitize: Kidang aser kimalen senzüdang mapang ajak nung teka ‘sanitizer’ amshitsüla. Mopung nung infections aika lir, anungji tashitak alirtem dang nungi memenazüktsü aser loktii amshiba metsümeshidak tashitak memenatsü atema sanitizer amshitsüla.
5. Tzü peria ajemtsüla: Asükwa mongpu nungbo nisung aikati metzürar, saka nai tzü ajemba manentsüla. Asükwa mapang nü temang nung tzü peria melira temang mesakba, yimra densema timtem balala agi atongtsü, anungji tzü peria ajemtsüla.
(Source : Internet)