Asüng NPA-i senden ayonger

Dimapur, Sept. Sept.16 (TYO) : Nagaland nung osangbenertem aser osang kakettem adokdak inyakertem ajak telongjem senden ka Press Point, Dimapur nung September 18, 2015 anüngdang 11:00 ako nung alitsü ta Nagaland Press Association (NPA) sangdong ka ajanga metetdaktsüogo.
Iba senden nung Wage Board atema Tripartite Committee shimtsü aser osangbenertem asoshi ‘Journalist Welfare Fund’ aser ‘Accreditation’ maparen indang jembitsü ta kasa sangdong nungsa metetdaktsü.
Anungji, iba senden nung osangbenertem aser osangkakettem adokdak inyakertem den ano Mokokchung, Kohima aser Dimapur Press Club-tem nung ketdangpurtem arua dendaktsüner ta NPA ajanga mepishia metetdaktsüogo.