Asür Capt. N Kenguruse, MVC Memorial Football League Sept. 13 nungi asayatsü

Dimapur, September 2 (TYO): Assam Rifles puri ayongzüba 3buba Capt Neikezhakuo Kenguruse memorial Football Tournament Kohima nung September 13 nungi 21 tashi asayatsü. Asür Capt N Kenguruse, MVC (Posthumous)’ ya Nagaland nungi highest decorated soldier lir aser pa nüngtem nung iba asayamung akar.
Capt Neikezhakuo Kenguruse ya India Army nung Decmber 12, 1998 küm commission asü aser pa Kargil War mapang 1999 June ita 28 aonung Drass Sect (Kashmir), Black Rock tesem amakba mapang 2nd RAJPUTANA RIFLES Ghatak Platoon Cdr ka liasü.
Iba tesem amakba nung shilem agitsü asoshi pa sasa molungtet, aser pai iba rara nung linük takok asoshi taküm bendanga agütsü.
Taküm iba asayamung nung Nagaland nung district ajak nungi telok ajak agi 24-i shilem agitsü. Iba asayamung mapang nung ano ‘fanfare’ dena ayongzüktsü asoshi sentong lir. Iba asayamung angati agi reprangtettsü, ta Lt Col Amitabh Sharma PRO, HQ IGAR (North)-i sangdong ka ajanga metetdaktsü.