Mumbai, March 22, 2016 : Tesüiba mapang nung melangteper aliba actor akümsang, asür Dara Singh kinüngtsü Surjit Kaur Randhawa, cancer agi mapang tatsüka shiranga lir, Mongulbar anepdang süogo. La arishi küm 72 liasü.
Dara Singh July 12, 2012 küm asüba sülen küm pezü buba nung pa kinüngtsüa iba lima nungi pilaogo.
Surjit Kaur Randhawa ya Dara Singh kinungtsü tanabula liasü aser tena jabaso ana rongnung Vindu Dara Singh bo actor lir.
Surjit Kaur den asüpila sentong Juhu, Mumbai nung Mongulbar nikongtsütsü agitsü, ta jabaso Vindu indang otongdari ashi.
Dara Singh iba lima nungi piladang arishi küm 84 liasü.
Dara Singh aser Surjit Kaur Randhawa na tanur pongu agi sosema lir—jabaso ana aser jala asem.
Asür Dara Singh kinungtsü Surjit Kaur Randhawa süogo added by asungba on
View all posts by asungba →
You must be logged in to post a comment Login