Asür Er. T. Saku Aier den asüko lemsateper:K Therie

Kohima, February 25 (TYO) : Tesüiba mapang Parliamentary Secretary, Saku’s Mission College, Dimapur ngutetsang aser kibur, asür Er. T. Saku Aier iba lima nungi pilaba osang angashia kanga nemjema bilemer, ta NPCC Tir K. Therie iba sangdong ajanga metetdaktsür.
Pa iba lima nungi pilaba ajanga state nungi educationist, engineer, yimten yimsüsür, lenir aser tetenlar tajungka samaogo koba ajanga state nung kecha agia menembangtetba tapok tulu adokdaktsüogo, ta pai ashi.
K. Therie-i, Pai yimten yimsüsüba tsütsü dang masü saka pa mission ajanga lanur meyirijang aika kaketshisatsü nung renlokdaktsüogo. Pai küm aika NGO balala nung lenir ka ama shilem agia state nung terenlok jenti bener arutsüba teti bilemtettsü, ta shisem.
Kü den ozü party densema par kibong den asüko lemsateper. Pai anünga yutsüba kinungertem shisabulu mulungzürep tia nung alidang Tsüngremi tesüneptsüba agütsütsü onok sarasadem, ta paisa ashi.

You must be logged in to post a comment Login