Asür Imtitemjen MTTT July 2nd & 3rd nung asayatsü

Mokokchung, June 08 (TYO): 13 buba asür Imtitemjen Memorial Table Tennis Tournament taruba July 2nd aser 3rd anogo ananü Multi-Purpose Sports Complex Mokokchung nung asayatsü sentong renema aliba osang ka tayonger Mokokchung  District Table Tennis Association ajanga metetdaktsü.
Taküm iba asayamung nung asaya telemsa yamai; Under 15 Single & Doubles (Boys),Under 21 Single & Doubles (Boys) Men’s Open Single & Doubles aser Girls Open Single ta alitsü.
Tanga district  nungi arurtem nem tayongeri chiyungtsü aser tanendak renemtsütsü ta MDTTA-isa ashi.
Tejangrartemi item dokantem bushia registration form agizüktsü metetdaktsür; Assets (Near FAC Bus Stand, (Mokokchung), Wallim Enterprise (Near FAC Bus Stand, Mokokchung), Greeting Craft (MTBA Basement) aser Kohima nung NTTA Office nung tongtepratepangma.
Form submission atema tatemsa anogoji June 16, 2015 alitsü. Iba dak sentakba nung kari danga osang tejangja metetnüra item mobile number (9436439033, 9436400877,9615849847) nung tongteprateptsü akok ta tayongerisa metetdaktsü.
Longsa Laishir 8 buba senden takok ngua kaogo Mokokchung, June 8 (TYO): Longsa Laishir Telungjem (LLT) 8 buba lokti senden “mission 2016 atendanga ranglokba” omen nung ajemdaker June 5 nungi tenzüka anogo asemnü Longsa BaptistArogo nung takok ngua kaogo. Laishir ajak agi 179 nungi 123 sendena shilemagia dena liasü ta LLT sangdong ka ajanga metetdaktsü.
Lokti senden amungba mapang LLT züngsem rongnung University aser College balala nungi ‘Award’ angur nem kuli kaket tajung renemer agütsü. Award angurtemji; (1) Talitemjen (S/o Imkonglepzung), Doctor of Theology, University of Jerusalem Chennai; (2) Tiarenla Jamir (D/o,S.Temjensoba Jamir), Highest in Counseling & Christian Ministry, UTC, Banglore 2013;(3) Sentinaro (D/o,Aosungkum), Academic Proficiency Award, CTC, 2015;(4) Imtisenla d/o, Lt.Rongsentemjen, Z.K.Mero College Award, BTC,Pfutesero, 2015; (5) Imnasenla Lkr (D/o, Watisangba),Academic Award, SBC,Dimapur, 2015 nungertemliasü.”Arogotemi ozü Laishir nemsodi agüja iba senden nung shilem agitsü yokba asoshi arogo ajak dang pelar” ta LLT lennirtemisa metetdaktsü.