Asür Lieutenant Colonel Niranjan Kumar’er kibong nem sen lakh 50 agütsü

Thiruvananthapuram, January 6 (Agencies) : Pathankot IAF base nung grenade ka raksa endoktsü merangdang poksetba Lieutenant Colonel Niranjan Kumar’er kibong nem sen lakh 50 teyari agütsütsü ta tanü Kerala sorkari metetdaktsü.
Sorkarisa asür Lieutenant Colonel Kumar kinungtsü Dr Radhika nem sorkar mapa ka agütsütsü ta nangzükba osang metetdaktsü.
Thiruvananthapuram nung cabinet senden ka alidang iba telemtetba ya agi, ta Chief Minister Oommen Chandy-i osangbener dang ashi.
Iba dak alia asür Kumar’er jala indang educational expenses ajak sorkari agütsütsü, ta paisa shisem.
Ano, Lieutenant Colonel Kumar’er tasoyim Elambulassery nung sorkari ITI ka lapoktsü aser ibaji pa nüngtem nung tenüng jaloktsütsü, ta chief minister-isa metetdaktsü.
Chandy-isa ashiba agi, Palakkad Medical College nung yangluba stadium nung Lieutenant Colonel Kumar tenüng jaloktsütsü.
Arishi küm 32 tain Kumar ya National Security Guard nung bomb expert ka liasü aser taoba Deobarnü Pathankot nung grenade ka raksa endoktsü merangdang pokset.