Asür R. Lisen tasümang remogo

Mokokchung, May 05 (TYO): Aor rongnung tongtibang lenir ka, asür R. Lisen Ao May 3, 2016 nü Dimapur nung alima nungi pilaba sülen pa tasümang Mokokchung jilai bener tua May 05, nü asüpila sentong agiba sülen tasümang remtsüogo.Pa arishi küm 84 liasü.
Molungyimsen yim nungi asür Imkongmar aser Emily na jabaso tsürabur R Lisen ya 1932 küm November 27 nü aso, aser pa akümli mapang pai lokti atema mapa tajung jenti inyakogo.
Pa akumli mapang 1958-63 kümtem nung Nagaland aser Assam na nung kaketshir lenir inyaka liasü, 1959 küm Ao Theological Association Impur nung mezüngbuba Tir inyak,  1964 küm Jangpetkong Assembly Constituency nungi MLA shima inyak, 1968 küm Mokokchung Town Baptist Church nung Pastor inyak aser 1974 küm Mokokchung Town Constituency nungi MLA inyaka liasü.
Tsürabur R. Lisen ya kaketzülur ka, lanurtem, Arogo aser yimten nung atongsema lokti atema inyaker lenir tajung ka liasü.