Asür Solo Thong mang ayimer

Dimapur, Rongchii/April 01 (TYO): Kohima Press Club tir, Alice Yhoshu tebu Solo Thong asüba osang angashia Nagaland Press Association (NPA) puri kanga sasar aser jashia bilemer.
Solo Thong ya mapang tatsüka shiranga lir Dimapur nung asü. Pa arishi küm 67 liasü.
Temeim agi sünga aser shisa kaa alitsü nübui nü dang sayuba ya taküm tepiyong alitsü. Na aser ner kinungertemi teti pa bilemtettsü. Tangar dang nungi alakteta aser temeim aketba tebu ka nü nem moatsü, ta NPA ajanga KPC tir Alice Yhoshu dangi züluba shidi nung shia lir.
Pa meteter ajak mulungjang nung kodanga samatsü makokba tsüngnep yutsüogo. Pa kanga menungratsü. Iba ama mangyim tejashi mapang NPA-i na aser ner kibong den asükhu lemsateper aser asür tanüla asoshi sarasademtsür, ta NPA tir H. Chishi ajanga ashi.
Kohima Press Club tir Alice Yhoshu tebu Solo Thong mapang tatsüka shiranga arur Dimapur nung asüba osang angashia Dimapur Press Club (DPC) züngsemtem kanga jashir aser mang ayimer, ta DPC tir Dilip Sharma-ia sangdong ka ajanga lemsatep.
Iba ama mangyim tejashi mapang Alice Yhoshu aser mangyimer kibong den DPC-i asükhu lemsateper aser asür tanüla tesunep nung anisüngzükjang ta sarasademtsür, ta sangdong ajanga ashi.