Asür Sorenla ‘er kibong nem sen lakh 4 teyari agütsü

Dimapur, Rongjui (September) 24 (TYO): September 24, 2018 nü Kohima Deputy Commissioner aser Chairman DDMA, Rajesh Soundararajan IAS-i Mrs. S. Chikumla Yimso nem sen lakh 4 teyari agütsü.
S. Chikumla ya tzü nung araksetba tanur asür Sorenla tetsü lir aser tanü DC indang office chamber nung Phesama Council Chairman, SDO (C) Jakhama aser DDMA züngsemtem lia la nem sen agütsü.
July 27, 2018 nü Phesama nung aliba Dzucharu ayong nung asür Sorenla arakseta asü. Iba atema Home Department, Government of Nagaland-i teyariji agütsü.
Iba lendong nung Mrs. S. Chikumla Yimso dena tzü agi ponger ao saka July 29, 2018 nü State Disaster Response Force Team-i la kümzük. Ajisüaka, arishi küm 14 tain asür Sorenla indang mangji July 30, 2018 nü Angami Youth Organisation indang CRF ajanga angu.