Asür SS Khaplang kinungtsü alima nungi pilaogo

Dimapur, March 13 (Agencies): NSCN-K tanishir asür SS Khaplang kinungtsü Chimori Hokolbarnep asü. La arishi küm 72 liasü.
Myanmar kübok Sagaing Region nung aliba Taga tesem nung la mapang talangka shiranga aruba sülen asü, ta osang ajanga ashi. Chimori ya Hemi Naga tsür ka liasü.
“Wt. Chimori mapang talangka shiranga arur March 13, 2020 nü arishi küm 72 nung lia alima toktsür ogo. La ya bendanga agütsüba aser tashitait tetsür ka liasü aser küm aika linük atema inyakba arudang lai ya tongshi tajung ka liasü” ta Ministry of Information and Publicity, NSCN/GPRN-i sangdong ka nung ashi.
“Mapang tamajung ajurudang lai bendanga agüja yariba ajanga Naga nunger tarutsü putu kanga ajangzüktsü. Onoki asür kibong asoshi sarasademtsür aser asükhu lemsateper,” ta parnokisa ashi.
Shangwang Shangyung Khaplang ya NSCN/GPRN president/chairman liasü aser pa June 9, 2017 nü alima nungi pilaa ao.