ASUS-i parnok indang mezüng robot tanü sayatsü

New Delhi, May 30 (Agencies) : Taiwan nung amenoka aliba computer hardware company ASUS-i “Computex 2016” sentong nung parnoki yangluba mezüng robot “Zenbo” den Zenfone 3 smartphones aser notebook ZenBook 3 Mongulbarnü sayatsü, ta sangdongogo.
May 31 nungi June 4, 2016 nü tashi Taipei World Trade Centre nung international information technology sentong amongba mapang parnoki yanglutetba robot “Zenbo” sayutsü. Iba robot ya kidang yariteptsü, pelateptsü aser kija azüngmeyaka kazüdang külemi kazütsü atema yangluba lir.
“Nisungtemi küm aika iba mesükba robot kanga aginüa liasü. Nüburtemi teyakyak, temeimtsü aketba aser teti parnoki ashi angaba robot aginüa bilemer. Onoki kibong shia nung iba robot ajanga yariteptsü nükla tulu yur ibai yanglu, ” ta ASUS company nung mendenbuba Jonney Shih-i Hombarnü ashi.
Tang parnoki yanglutetba ZenFone 3 tasenba asemji ZenFone 3, ZenFone 3 Deluxe aser ZenFone 3 Ultra smartphone tem lir.
ZenFone 3 Deluxe ya aluminum alloy agi yangluba ajanga kanga tepongba lir. Iba smartphone nung 5.7-inch Full HD super AMOLED display den Qualcomm Snapdragon 820 series processor aser 6GB RAM keta lir.
Kasa smartphone nungsa 23MP camera keta lir aser 4K UHD video tema tangokteter.
ZenBook 3 notebook nung Intel Core i7 processor, 16GB RAM, 1TB tashi amshitetba SSD, USB Type-C port aser Harman Kardon company-i yangluba quad-speaker audio keta lir.
Iba notebook nung 12.5-inch display aser tarak madokba Corning Gorilla Glass 4 inokaja lir. ZenBook 3 indang battery khen charge asübaji gondha toku tashi amshiteter.