Asus-i Windows 10 laptop mezüngbuba sayaogo

New Delhi, October 5 (Agencies): Taiwan nung electronics tetsüti, Asus-i Hombar nü parnoki yangluba, sen 97,990 alang, Windows 10 keta aliba laptop mezüngbuba- ZenBook UX305LA benjung menepa sayaogo.

Iba laptop ya sentsü asem nung angutsü aser 13.3-inch quad-HD display den 8 GB RAM aser memory 512 GB enokja lir. Taginertemi laptop alidang processor Core M, Core i5 mesüra Core i7 keta aliba nungi pei aginüba shimtsü alitsü akok.

“Laptop tasenba ya tereprangtsü ajungba dang masü saka Windows 10 enokja aliba ajanga kanga tashi tait aser tamshirtem kanga ajangzüktsü. India nungeri balaka ZenBook UX305LA kanga saputeper,” ta Asus India managing director Peter Chang-i ashi.

“Laptop tasenba ya iba tarensen nung jenjang lateta alibaji ajaki atutsüsa aser onoki benjung mapang iba ya aika yoktettsü imlar,” ta pai ashi.

Company ajanga ashiba agi parnoki iba laptop tasenba nung technology tasen enokja aliba ajanga kechisarena reprangdang kanga jangja angutsü aser kanga melabo tatsük makümtsü.