ASUS-i Zenfone Zoom smartphone sayaogo

Agra, January 23 (Agencies): Taiwan nung smartphone yanglur ASUS-i parnok meyong Zenfone tarensen ulushia ASUS Zenfone Zoom sayaogo. Iba phone ya noksa junga tangoktettsü nükjidong nung India nunger asoshi yangluba lir.
Iba phone nung 13-megapixel camera enokja lir koba nung 3x optical zoom dena lir.
ASUS Zenfone Zoom phone nung aliba hardware technology ji kanga tashi tait aser ibaji ajanga tanga smartphone tem dang nungi noksa kanga temerükba aser tajungba tangokteter, ta company-i ashi.
Iba den külemi phone nung ji 10-element HOYA lenses kit ajanga 12x zoom aser 5 centimetre macro focus süteter.
Iba smartphone nung 0.03 second laser auto-focus keta lir ibaji ajanga tamshirtemi noksa kanga züpa agiteter.
Intel-i iba phone atema 64-bit Atom 2.5 Ghz Z3590 processor agütsü aser iba den külemi 4GB RAM aser 128GB memory den Corning Gorilla Glass 4 display enokja lir.
Iba smartphone ya India nung sen 37,999 agi talitsü angutsü.

You must be logged in to post a comment Login