ATA-i Rev. Dr. Mar Atsongchanger nem tenüngsang agütsür

Dimapur, April 8 (TYO) : Ao Baptist Arogo Mungdang (ABAM) nung Executive Secretary, Rev. Dr. Mar Atsongchanger, National Council of Churches in India (NCCI) nung Tir inyaktsü shimba atema tenüngsang agütsür, ta Ao Theological Association (ATA) sangdong ka nung metetdaktsü.
Dr. Mar Atsongchanger ya Senate of Serampore College (University) nung Master’s in Theology (MTh) aser Oxford, UK nungi Master of Arts in Publishing angu aser ano Senate of Serampore College (University) nungi Doctorate in Ministry angu.
1991 küm Dr. Mar Atsongchanger-i Council of Baptist Churches in North East India (CBCNEI), Guwahati kübok Christian Literature Centre nung Director ka ama mapa inyaktsü tenzük aser idakji küm aika tenzükba sülen National Council of Churches in India nung Communication and Relations Secretary inyak.
Dr. Mar Atsongchanger-i kaket aika züluogo aser pai Nagaland nung kaketkeno maparen nung shilem tulu agiba ajiteta Nagaland sorkari 2006 küm pa nem Governor’s Award for Distinction in Literature agüja liasü. Sahitya Akademi, New Delhi nungia pa nem Research Fellowship agütsüogo.
Dr. Mar Atsongchanger ya tang, Nagaland Baptist Church Council (NBCC) nung Tir, Senate of Serampore College & Board of Theological Education of Senate of Serampore College (BTESSC) nung Council Member; Lutheran World Service India Trust (LWSIT) Board of Directors nung dena lir; Baptist World Alliance (BWA) nung Executive Member aser Translations Committee, Bible Society of India (BSI), Bangalore nung Züngsem lir.
“North East India Christian Community nungi National Council of Churches in India nung Tir mezüngbubaji Dr. Mar Atsongchanger lir. India nung aliba Arogotem len ania wadang tasen nung inyaka aodang Tsüngremi pa nem Taochi, Shisatsü aser Temoatsü agüjang ta Ao Theological Association (ATA)-i sarasademtsür” ta Ao Theological Association, Impur-Nagaland Director-i sangdong ka nung metetdaktsü.