Ataa aliba aser teimla – T. Ken 130:1-8

Nai punglang tonga luogo ta bilemdang, T.ken 130 ji züngang. “O Kibuba, telung tarok nungi ni ne dang ayimten” (t.1). Iba ken nung tanü asen mulungjang nung nüngdakba asem mepishi.
Mezüngbuba, ken züluri ashi, “Kibuba, kü ola angangma”(t.2). Kechiba? “Ni tzü awatsü mashi; ni tzü tarok dak lir, aser parnok kü kolak manung arudaki. Ni araksettsü tsübur, aser ni ibaji tsübur”. Kecha masü na kopiga taroki ludir luang, Tsüngremi na ayimdenba angashir.
Idangji Pai ashi, ” Kibuba, tai menaba nai sükdangdi süra. O Kibuba, shibai noktaktettsü? Saka ne tsüngken atsütsüsa, ne dak tatok lir” (t.3,4). Asenoki Tsüngrem ochi o bendangdak tatitang nung menoktaktettsü; asenok teyimla maka. Yisu Khristai dang idakji nokdaktettsü, kechiaser pa dang tabensa lir. Saka pai asenok den noktaker; pa asen kümtetdakba lir. Tsüngremi asenoki tarok nungi ayimtenba dang angashir masü saka Pai asenok sotter. Pai ashir, “Ni ne dang tai adoker. Nai kü chir dak amang: nai ne temenen nangzük; aser tang nai kü matsüngdang nokdaktettsü”. Ken züluri iba ochi nung Pai amangba ashi: “Kibuba asoshi ni atar, kü nelai atar. Aser pa o nung ni yimlar. Tanukertemi sangwatsü yongyaba dang nungi taoba kü nelai Kibuba asoshi yongyar” (t.5,6).
Tanaben Pai asüngdanger, “O Israel, Kibuba dak yimlaang: Kechiyong Kibuba dak yimlibilem lir. Aser pa dak talubusa tekümzük lir” 9t.7). Ken asenok sepoy mitsa nung nokdaker sangwatsü yongyaba ama lir. Asenoki angutsü makok, saka Tsüngremi angutsü akok, aser idakji pa pur asoshi tarutsü teyimla lir.
Tsüngrem o tenangzükba nung ne tamang yuang. Na lulaa liaka kecha masü, Tsüngremi ne dang angashir, na sotter aser yarir. Pa dangi meyipang; Pai na yaritsü.