Athong Makury-i Nagaland Angh ajuru

Dimapur, April 20 (TYO): Tanü Myanmar nungi Naga nunger shisashir aser Council for Naga Affairs Tir, Athong Makury-i Raj Bhavan nung Nagaland Angh, P B Acharya ajurua liasü, aser iba mapang nung Athong-i, International arrtsülen aliba nüburtem atema mapa tajung balala inyakba atema India sorkar dang pelaba lemsatep.
Paisa Angh dang, arrtsülen aliba nüburtem tajangzük atema gari lenmang tesendaktep, Schools/Colleges aser Hospital tem terenlok atema yaridaktsüner, ta mepishi.
Athong-isa Angh dang, Meluri sub-division kübok Avankhu ajanga shishilembaba lenmang nung terenlok nüngdaker, koba ajanga Nagaland aser Myanmar tsüngda alir Naga nunger ajangzüktsü, ta metetdaktsü.
Ano Angh-ia, arrtsülen alirtem tajangzük angutsü atema Public Private Partnership (PPP) kübok Hospital aser School tem amenoktsü atema pai mera agia inyakba metetdaktsü.