ATI-i Leadership Skills workshop ayongzük agi

Dimapur, May 14 (TYO) : Administrative Training Institute (ATI)-i Sorkar ketdangsertem atema Leadership skills workshop mezüngbuba shilem May 12, 2016 nü tembangogo.
Iba workshop ya ADCs aser Dy. Secretaries atema agi aser workshop tembangba sentong nung National Facilitator, Sudhir Sharma, IIRS-i o jembi.
“Iba workshop nung nisung adenertem katika dang nungi angazüktepogo aser ketdangsertem dak aliba tashi ngua Nagaland state tarutsü jenjang ajungtsü ta ajitetogo” ta Sudhir-i ashi.
Paisa, Director ATI dang kanga pelaba metetdaktsü aser tanga state nung aliba ATI tem dang nungi Nagaland ATI tajungtiba ta shisem.
Sentong nung Director, ATI, Lithrongla Chishi-ia o jembidang, Department of Personnel & Training-i iba sentong yaria nungtiba atema pelaba metetdaktsü.
Tarutsü nunga iba ama workshop tem maneni ayongzüka agitsü ta Lithrongla-i ashi aser training nung adenba ketdangsertem dang laisa tangari junger ta züngshitsüsa ketdangsütsü ayongzük.
Ano, DCs aser Jt. Secretaries atema Leadership Skills workshop ka May 16 & 17, 2016 nung agitsü aser iba sentong nung National Facilitator temji, Sudhir Sharma aser Sudeshahna Sen na asütsü.
Maneni, May 23 & 24, 2016 nung ADCs aser Dy. Secretaries atema Ethics & Values in Public Governance workshop alitsü aser iba nung National Facilitator temji MK Jha aser GS Krishnan na alitsü.
Tatemsa May 27 & 28, 2016 nung DCs aser Jt. Secretaries atema Ethics & Values in Public Governance workshop alitsü aser iba nung National Facilitator temji Viresh Bhawra aser SS Khanka na asütsü.
Department of Personnel & Training-i teyari agüja workshop tem ayongzüka agitsü.