ATI, Kohima nung Landslide Risk Mitigation & Management training agi

Kohima, July 01 (TYO): June 28-30, 2017 anogotem nung Administrative Training Institute, Nagaland, Kohima nung Landslide Risk Mitigation & Management training ka ayonga agiogo, aser iba training nung department 7 nungi ketdangser 29 dena liasü.
Iba Course nung Basics of Disaster Management, Disaster Risk Profile of Nagaland, Landslide & different types, Landslide Mitigation, Landslide Management Strategies aser Landslide Hazard Zonation Mapping indang tesayuba agütsü.
Shisalen sayurtemji Kekhriezavi Lea, Er. Keneizhatuo, Er. N.Moa Longkumer aser Dr. Hovithal Sothu nunger liasü.
Iba training tatembang sentong nung Additional Director ATI aser Nagaland sorkar Joint Secretary, Kevekha Kevin Zehol, NCS tetushi tejaoker liasü, aser pai ketdangsertem dang, iba training nung angazükbatem indang osang renemang aser ibaji parnok shimba ketdangsertem nem agüjang, ta metetdaktsü.
Paisa Israel linük atishia pei li atema sensotemi shilem agitsü ayongzük.
“Nisung shia dak tangatetba tajung lia inyaktsüji tongtibang, ajimesüra kilentzü aodak aser ayongnotem tangbangtsü aser ibaji ajanga asen state (ali) tashi meiti akumtsü,” ta pai ashi.
Iba sentong takok ngua tembangba atema pai Course Coordinator dang pelaba lemsatepa liasü.
Course Coordinator aser iba sentong Chairman, Dr. Hovithal Sothu-ia shilem agirtemi angazükbatem indang osang metetdaktsü aser tepela anküp o jembia liasü.
Paisa Additional Director-i training sentongtem nung jangraa adenba atema pelaba den shilem agirtem, shisalen sayurtem aser ATI ketdangsertem, parnok ajaki amalitepba ajanga iba training takok ngua agitetba atema pelaba metetdaktsü.