Atlanta nung Rap kentener ka kahset

Los Angeles, March 6, 2016: Hokolbarnü injang akahba osang angashiba sülen Police iba tesemi arua liasü.
Police-i iba injang ola angashiba tesem tonga aodang nisung telok tuluka studio nungjagi jenshia aoba angu, ta Los Angeles TV station nungi yokba osang ka ajanga ashiba dailymail.co.uk ajanga metetdaktsü.
Mejangjaba nisung kati kentenba sabang nung ‘Bankroll Fresh’ ta ajasang, Trentavious White injang agi kanga mejungi yirutsür liasü. Pa Children’s Hospital of Atlanta-i anir ao, ajisüaka pa tasü bener aru, ta yangji aliba doctor temi ashi.
Iba tesem nung aliba osangbenertemi ashiba agi, iba studio nungji injang terep 50 liasü. White dak alaka yangji aliba nisung shinga meyiru, ta police-i ashi.
White ya rapper 2 Chainz’s Street Execs den külemi inyaktsü tezüngzüktep agir liasü. Pai pa nija kentem “Hot boy” aser “Walked in” nung Travis Porter, Boochie aser Street Money ajungketba ajanga nüburtemi jangja aküm.