Atletico UEFA Champions League semifinal-i iogo

Madrid, April 14 (Agencies): Atletico Madrid teloki goal 2-0 agi defending champion, FC Barcelona telok madak quarterfinal asaya koka tang tasayadak UEFA Champions League asayamong semifinal asayatsü jenjang yashi, Bodbar nü ajangzükogo.
Yashi asaya mezüngbuba shilem tembangtsü minute 9 anünga alidang Antoine Griezmann-i pa tekolak agi ball tongokja goal 1 agütsüba yong par Atletico teloki temaba jenjang angu.
Tesülen, asaya tembangtsü minute 2 shi anünga alidang, Griezmann-isa penalty ball takok ngua metsüokja goal agütsüba yong par Atletico teloki goal 2-0 agi Barcelona telok madak takok ngua liasü.
Yashi takok anguba sülen Atletico teloki points 3-2 agi temaba jenjang ngua semifinal asayatsü jenjang ajangzük.
Ano külen, tan tamakok anguba ya football asayar mongin, Neymar, Lionel Messi aser Luis Suarez nunger densemba Barcelona teloki tan asayamong nung asaya 39 tashi atonga akokba sülen asaya 3 buba tashi atonga tamakok ajurur lir.
Atletico telok jakdang, Real Madrid, Manchester City aser Bayern Munich teloktemi semifinal asayatsü jenjang ajangzüka lir.