ATMA Kohima-i training sentong ka ayongzüka katsü

Dimapur, Chiteni/July 19 (TYO): ATMA, Kohima-i achaayanga July 16 nü Nagaland State Dairy Farm Kohima nung Dairy farm management & practices dak sendakba nung capacity building training sentong ka ayongzüka katsüogo. Iba sentong nung Farm manager, SCBF, Lerie, Dr. Ketholelie Mere shisalen agütsür liasü.

Iba sentong ya technical session ka agia tenzük, kong shisalen agütsüri dairy farm complex aser dairy farm inyakyim indang shisatsü agütsü. Maintenance of identification, bedding, & exercising, dehorning, castration, grooming, weighing, deworming aser deticking amala inyakyimtem indang pai metetdaktsü. Item inyakyimtem ya dairy farm nung tetishi benoka inyaker aser iba ajanga dairy farm tem renloka aoba nung teyari agütsür. Mamatzü agütsüba shirurtem jangjatsü kanga tongtibang, kechiyong iba ajanga taoba mapang inyakyimtem tali jangjaa metetdaktsür, ta pai ashi.

Maneni branding, tagging, photography, electronic tags amala identification inyakyim balala pai sayua liasü. Anogoshia exercise agiba ajanga shiruru teyiraba aser tali yakyaka kümdaktsür. Iba ajanga metabolic process azüoka ayuba nung teyari agütsür. Tsüngküm mongpu ajak nung anisüngzük asoshi shiruru nem bedding material tem agütsütsüla aser tagidak maka tezütem mapang shia intoktsütsü kanga tongtibang. Castration ya küm 1 sülen inyaker. Grooming amala inyakyim ajanga kou, tekep intokba nung teyari agütsü aser iba ajanga shiruru anisüngzüka toktsür.  Chiyongtsü achiba aser mozü dosage jangjatsü atema shiruru temang tozük odangtsü kanga tongtibang. Deworming ya tepok nung mesen aliba intoktsü atema lir aser deticking ya shiruru temang nungi atsük intoktsü atema lir, ta pai ashi.

Technical session tembangba sülen sensaksem sentong ka ayongzüka agia liasü. Iba sülen training nung shilem agirtem dang Pedenuo Shuya, Wonchibeni Ezung, Lejao Konyak aser Khrietseimenuo Chadi nungeri maparen kar inyaka sayu.

Training sentong nung Kohima district kübok progressive farmer 30 aser ATMA staff temi shilem agia liasü. Iba sentong ya Dy.PD ATMA Kohima, Rokoshuno Angela lenisüba nung agi.