ATMA Longleng block-i tsünüsenpongtsü tsünüba yimya sayu

Dimapur, Luroi/August 27 (TYO): ATMA Longleng block-i asükwa mapang tsünüba aonsotsütem tsünüba yimya sayuba sentong ka ayongzüka kaogo. Iba sentong ya Phom Baptist Christian Association (PBCA) mission compound Longleng nung August 27, 2019 nü agia liasü. Aonsotsü tsünütsü asoshi sayuba rongnung Broccoli aser Cabbage densema lir. Iba sentong nung Arogopurtemi shilem agiogo aser iba sentong ya pei sasa dak metaloker alitsü atema nüburtem ajungshitsü aser yimtsüng lenla ajak nung renloka aotsü nükjidong nung ayongzüka agi.
Iba sentong nung shisalen agütsürji Bendang Kumzuk, ATMA Longleng Block liasü. Pai aonsotsü tajungba tsünütettsü atema nursery tsünütsü sayaba den chemical melena bio fertilizers aser bio enriched organic manure aser Vermicompost amshitsü koda tongtibang iba indang rasaa ashi.
Paisa, transplanting atema leaves stages pezü nungi pongu tashi tongtiba ta ashiba den alu nung tsünüsenpongtsü tsünüba mapang tawa shidak toktsütsüji kanga tongtibang ta ashi. Iba sentong ya BTM Longleng Block Aienla-i tepela anuküp o jembir tembang, ta ketdangser sangdong ka ajanga metetdaktsü.