Ato Yim-i pa indang mezüng music video sayaogo

Dimapur, Tsüklai/February 14 (Agencies): 2018 küm ayonga agiba 10 buba Music Awards of Nagaland sentong nung “Best folkfusion song” atema takok angusang Ato Yim, pai pa indang mezüng music video ka alima ajunga nung sayaogo.
Iba video nung Nagaland indang entertainment industry nungi nüngtugo nisung anati shilem agiogo. Ana rongnungji kabo Ariensa Longchar (Dreamz Unlimited), pai Postman aser Dimapur nungi fashion designer Lia Jamir-i yimtsüng nung alir tetsür shilem ka agir.
“I Give Up the Fight” ta nüngja agütsüba music video ya Ato Yim-i zülua mejema liasü.
Visual Notes Entertainment den longjema Media 24 Studio nung Ato-i iba ken record süogo. Iba sentong atema, Ao Baptist Church Pudampukhuri, Ex-Associate Pastor Women, Aienla Jamir-i sarasademtsü.
Nagaland nung musician rongnung award timtiba angusang Sunep Lemtur-i iba music video direct sütsü.
“I give up the fight” ken tetezü ya chichiba temeim indang asütsü aser Ato Yim indang taruba Music EP ken pungo rongnung iba ken densema lir. Ato-i pa indang Music EP yakta sayatsü tebilemba lir.
Ato Yim indang “I give up the fight” music video ji https://youtube/u4VZZMla9bo link ajanga download süa reprangtettsü.