ATP-i Chair Umpire Damian Steiner mapa nungi agin

Luroi/August 28, 2019 (Agencies): Taoba ita Wimbledon tebur kija asaya final nung chair umpire Damian Steiner-i par linük Argentina nung temelaba melei osangbenertem den sensak asemba atema mapa nungi aginogo, ta men’s Tour sangdong ka ajanga mongolbarnü metetdaktsü.
Steiner, shibai Novak Djokovic aser Roger Federer na final asaya achaayanga liasü, pai asaya mapang towels amshiba agintsü, service let agintsüba aser asaya mapang coach temi tetuyuba agütsüdaktsütsü asoshi temzüng ozüng melenshitsü atema podcast ka nung benokdanga liasü.
“ATP-i osangbenertem den sensaksemba dak sendakba nung mapang aben aibelenba atema ATP-i Damian Steiner mapa nungi anentsüogo,” ta Tour sangdong ajanga metetdakja liasü.
“ATP Supervisor ka ket nungi temeleba magi-i Steiner-i osangbenertem den aiben sensak asemba ngutetogo.
“Iba den bendenloksema Steiner osangbenertem den sensaksemba mapang, tatalokba ka mesera asaya ka indang, asayar ka indang, tanga ketdangsertem indang mesera asaya temzüng ozüng indang mejembitsü asoshi tenokdangba agütsür aliba sülen pai manidak,” ta kasa sangdong ajanga metetdaktsü.
ATP-i chair umpire tem osangbenertem den sensak masemtsü asoshi mapang talangka tenokdangba agüja arudar.