London, November 21 (Agencies): India nunger Rohan Bopanna aser Romania nunger Florin Mergea nati takok ngua tang tasayadak ATP World Tour Finals tebur doubles shilem indang final asayatsü jenjang tanü Honibar nü nguogo.
Bopanna o Mergea nati tanü ghonda 1 nung points 6-4, 6-2 ngua Croatia nunger Ivan Dodig aser Brazil nunger Marcelo Melo na tsükdaktsü.
2012 ATP Tour tebur doubles final nung tamakok ngua shilem agiba sülenbo arishi küm 35 tain Bopanna-i tan mezüngsüa Tour Finals nung shilem agitsü jenjang angur lir.
Tan asayamong nung 8 buba jenjang abener, Bopanna o Mergea nati Netherlands nunger Jean-Julien Rojer o Romania nunger Horia Tecau na aser America nunger adianu, Bob o Mike Byran na rong nung takok angur den asüng, Deobar nü final asayatsü.
ATP Tour Finals: Bopanna o Mergea na final-i iogo added by asungba on
View all posts by asungba →
You must be logged in to post a comment Login