ATP Tour Finals: Murray o Wawrinka nati akok

London, November 17 (Agencies): Britain nunger Andy Murray aser Switzerland nunger Stan Wawrinka nati par asaya koka, tang tasayadak ATP Tour Finals tennis asayamong nung yashi, Bodbar nü shilem agiogo.
World No. 1, Murray aser Japan nunger Kei Nishikori nati ghonda 3 ser minute 20 agia asayaba sülen ATP Finals asaya mapang talangtiba asayaba otsü yanglua liasü.
Tenati set 3 tashi kanga meranga asayaba sülen Murray-i tatem nung points 6-7 (9), 6-4, 6-4 ngua, Nishikori tsükdaktsü.
Tan takok anguba sülen points 2-0 ajangzüksang, Murray-i par taruba asaya nung Wawrinka madak takok ngura, pai küm 4 nung tan mezüngsüa, semifinal asayatsü jenjang ajangzüktsü.
Wawrinka-ia ghonda 2 shi asayaba sülen points 7-6 (3), 7-6 (3) agi Croatia nunger Marin Cilic madak takok ngua liasü.