ATP Tour Finals: Novak Djokovic semi tongogo

London, November 16 (Agencies): Defending champion, Serbia nunger Novak Djokovic-i par quarterfinal asaya akokba sülen tan tasayadak ATP Tour Finals semifinal asayatsü jenjang yashi, Mongolbar nü nguogo.
Tebur World No. 2, Djokovic-i points 7-6 (8/6), 7-6 (7/5) ngua, Canada nunger Milos Raonic tsükdaktsü.
Tanü tashi nung Tour Finals asaya 21 nung asaya 20 tashi koka alisang, Djokovic-i tan agi Tour Finals takok marok 5 benbuba atonga aser otsüsütsüsa takok marok 6 buba agizüktsüsa tanü tashi takok ngua asayar lir.
Arishi küm 29 tain Djokovic-i tan asayamong takok marok asangsang nung ajangzükra, pai Britain nunger Andy Murray tanaben ajangteta, maneni World No. 1 akümtsü temeten angutsü.