ATP Word Tour Finals: Boppanna o Mergea nati takok angu

London, November 16 (Agencies): India nunger Rohan Bopanna aser Romania nunger Florin Mergea nati defending champions, America nunger adianu, Bob aser Mike Bryan na madak tang tasayadak ATP World Tour Finals tebur doubles shilem indang mezüngbuba rubber asaya yashi Deobar nü kokogo.
Group Ashe/Smith nung densemer, Bopanna o Mergea nati yashi ghonda 1 nung points 6-4, 6-3 ngua tan asayamong nung temaba jenjang abener, Bob o Mike na madak takok angu.
Tan asayamong nung 8 buba jenjang abener, Bopanna o Mergea nati Bob o Mike na den 4 ben tashi ajurutepa asayaba sülen tan agi tanabenbuba takok angur lir.
Telok 4 densemba Group Ashe/Smith nung temaba jenjang abener, Bopanna o Mergea nati Britain nunger Jamie Murray aser Australia nunger John Peers den taruba asaya nung ajuruteptsü.