ATP World Tour Finals: World No.1, Murray-i Cilic tsükdaktsü

London, November 15 (Agencies): Tan mezüngsüa World No. 1 akümtsü jenjang angusang, Andy Murray-i Croatia nunger Marin Cilic madak takok ngua, tang tasayadak ATP Tour Finals nung takok ngua yashi, Hombar nü shilem agiogo.
Britain nunger Murray-i minute 90 nung points 6-3, 6-2 ngua, Cilic par tetenzükba asaya nung tsükdaktsü.
Arishi küm 29 tain Murray-i Serbia nunger Novak Djokovic ajangteta, World No. 1 akümba sülen tan asaya mezüngbuba akoker lir.
Ano külen, Japan nunger Kei Nishikori-ia US Open champion, Switzerland nunger Stan Wawrinka madak takok ngua, par tetenzükba asaya takokba nung asayaogo.
Nishikori-i points 6-2, 6-3 agi World No. 3, Wawrinka tsükdakja, 2016 US Open asayamong semifinal nung tamakok ngudaktsüba kepzüka liasü.