Atsüapong mejangjaba nisungi Aotsür subotsü agitsü memelar: Watsü Mungdang

Dimapur, Metsüremi/March 15 (TYO): Osang kaket aser media balala nung tesasatsüka sobaliba dak maketba aser yimya, atsüapong mebentetertem kari Aotsür akumtaket subosolemtsü sensamasaja yimjak nung suboba ngur Aoli Watsü Mungdangi Kanga sashia aitsür, ta Watsü Mungdang tir S. Arenla Longkumer aser tongti zülur Sungtiriben ajanga sangdong ka nung ashi.

Asen tsürabur mapang nungi tetsür, tebur subosolemtsü bentet-benteta subosolema aru. Anungji atsüapong mejangjaba nisungi Aotsür subotsü mezüngmeshia agitsü Watsü Mungdangi memelar, ta sangdong ajangasa ashi.