Atul Bora AGPLP lennir asütsü shimogo

Guwahati, May 23 (Agencies) : Deobarnü AGP steering committee senden nung president Atul Bora legislature party lennir asütsü shim. Iba senden nung Party working president Keshab Mahanta deputy leader aser Satyabrat Kalita secretary asütsü shim.
Senden nungsa Barpeta constituency nungi takok anguba MLA Gunindra Nath Das nem chief whip mapa agütsütsü telemtetba agi. AGP headquarters, Guwahati nung senden amendang party lennirtemi AGP MLA 14 nem tenüngsang agütsü, ta AGP lennir kati osangbener dang ashi.
Osang angazükba agi, AGP-i cabinet menden pungubo aginür aser steering committee meeting nung iba onük ya kanga tongti süa jembi.
“Onoki cabinet menden peria angutsü imlar” ta AGP general secretary Ramendra Narayan Kalita-ia osangbener dang ashi.