Audi-i A4 Sedan tasenba sangdongogo

Monupii/May 17, 2019 (Agencies): Audi brand indang takok tulu ngua ayokba gari, koba taküm küm 25 ajunger, iba gari ano tasen küma yanglushiba den külemi innovative mild-hybrid (MHEV) electrification system inoksemtsüogo. Tang A4 series nung Sedan tasenba ya taküm küm tsüngda alima tesem balala nung lemsar ayok tenzüktsü renemdar.
Gari exterior tsütsü reprangdangra, 2020 Audi A4 terprangtsü dynamic den tasazük tuluba, flatter grille aser shilem 100 LED headlights den automatic high beam keta aliba angutsü. Ano gari telung nung MMI (Multi Media Interface) connected system inoksemtsüogo, koba driver temi touch display mesüra voice command ajanga tetuyuba agütsütettsü.
Item feature den benenloksema, gari telung nung myAudi app ajanga smartphone den connect sütettsü, koba ajanga 14 users tashi pei aginüba settings aser profiles tem store süa yutettsü. Kasa mapang, gari nung Audi connect key feature inoka yanglutsüogo aser aji compatible Android smartphone teyari ajanga driver temi gari lock mesüra unlock aser start sütetter.
Shishilembadak Audi A4 gari ya petrol aser diesel variant densema turbocharged engine trok sayatsü. Item engine balala ajanga 150 nungi tenzüka 347 horsepower agütsütsü.
Iba sülen, Audi-i ano turbo engine aketba model ana – 30 TDI aser 35 TDI sayatsü. Engine ana ya 136 aser 163 horsepower asütsü. Gari anaprongla nung TFSI (Turbo fuel stratified injection) entry-level engine melena automatic transmission keta alitsü. A4 indang sporty model ana – Audi S4 TDI aser S4 TDI Avant nung 347-horsepower V6 diesel engine keta alitsü aser gari yagi second 4.8 nung 0-100km/h tashi kara anitettsü aser top speed ji 250km/h asütsü.
Item gari dak alaka, feature tasen kaji Audi A4 electric den mild-hybrid technology keta aliba gariji asütsü, koba 12 volts ajanga tashi agütsütsü.
Taküm küm Germany nung Frankfurt Motor Show sentong agiba sülen, Audi A4 gari ya dealership atongtsü imlar.