Audi Q5 Petrol Variant India nung sayaogo

Aami 28, 2018 (Agencies): Audi India-i parnok indang nüngtugu Q5 SUV gari indang petrol-engine version ka India nung sen lakh 55.27 (ex-showroom, Delhi) yong sayaogo. Audi Q5 petrol version gari ya taoba küm Paris Motor Show sentong nung sayaa liasü. Iba version tasenba nung 2.0-litre TFSI petrol engine inoka yanglutsü. Engine ajanga 252 hp tashi agütsür aser 7-speed S-Tronic transmission keta aliba angutsü. Audi-i ashiba agi, second 6.3 nung gari yagi 0-100 km/h tashi kara anitetter aser top speed ji 237 km/h tashi asütsü. Engine tashiji gari tetsüng pezüprong nung lemsatsür aser gari nung driving mode pungu inoka yanglutsü.
“Ita ka tsüngda nung Audi Q5 TDI model gari ya talir 500 dak temai makaa ayuba onoki agizüka liasü. India nung tanga gari kasa segment rongnung Audi Q5 model tajungtiba lir aser petrol avatar ka sayaba ajanga India shishilembadak Audi Q5 model jenjang maneni akangshitsü. Engine power timba den design tasen, infotainment aser innovative features tem inoksema yanglutsüba ajanga Audi Q5 45 TFSI model ya customer tem atema SUV gari tajungtiba ka asütsü,” ta Audi India, tekolak, Rahil Ansari-i ashi.
Gari indang cabin tsütsü reprangdangnra, Audi Q5 nung Audi indang 12.3-inch Virtual Cockpit instrument cluster, multi-zone auto climate control aser Audi indang MMI (Multimedia Media Interface) infotainment system den Apple CarPlay aser Android Auto features tem keta aliba angutsü. Item features den külkemi gari nungsa panoramic sunroof tuluka aser parking aid plus den rearview camera inoksema yanglutsüogo.
Gari nung amenertem kümzüktsü atema safety tsütsü reprangdangra, iba SUV nung active lane assist, collision avoidance assist, airbag 8 aser cruise control den speed limiter tem keta aliba angutsü. India shishilembadak, iba gari yagi BMW X3, Land Rover Discovery Sport, Mercedes-Benz GLC aser tawa sayaba Volvo XC60 gari tem den tokteptsü.