Auertemi auto anishirtema amshir

Guwahati, August 18 (Agencies): Yimti nung auertemi auyar külen parnok kara jentettsü asoshi auto anishirtema amshir.
Auto anishir aikati sen tera tali aanüdang auer telok den adener, ta police-i ashi.
Anüngdang passenger anir jajaba mapang parnoki auya nung tajangzük alitsü pur osang auer telok dang ashitsü aser parnok auyadak medenaka auyaba nungi parnok nema shilem tilala agütsür ta police-sa ashi.
Tawa osang tejangja ka angashiba sülen Guwahati police-i auer telok ka nungi nisung ana den parnoki amshiba auto ka pua lir.
Tenaji ka Bongaigaon district nung Kalgasi tesem nungi Sonesh Ali (22) aser ka Udalguri district nung Ranipukhuri Bakultola nungi Md Unish Ali, (Camera) (40) ta jangjaogo.
Deputy commissioner of police, (central) Amitava Sinha-i, Unish Ali ya auto anishir ka lir aser pai item auer telok ya aonung meina senzür,” ta ashi.